Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
SHOWBIZ
U bekuan me katërnjakë, 2 prej tyre nuk shikojnë! Prindërit tregojnë sfidat: Katër mjekë në të gjithë botën kryejnë këtë ndërhyrje
PiranjatPërditësimi i fundit 30 Dhjetor 2025, 18:14
Rozeta dhe Geraldo Vojkollari kanë përjetuar mrekullinë më të madhe të jetës së tyre, janë bërë prindër të katërnjakëve, ku ndanë rrugëtimin e tyre të vështirë, pasi dy nga foshnjat e tyre janë përballur që në fillim me një problem serioz shikimi.
Ajo që në pamje të parë dukej si një lindje e lumtur dhe katër bebe të shëndetshme, fshehte brenda një betejë të padukshme. Pas daljes nga materniteti, një vizitë vendimtare mjekësore zbuloi një diagnozë urgjente, një problem i rrallë dhe i rëndë në sy, që kërkon trajtim të specializuar jashtë Shqipërisë dhe ndërhyrje nga shumë pak mjekë në botë.
Geraldo Vojkollari: Si fillim e kanë pasur të katërt problemi, janë diagnostikuar te klinika indiane e syrit, e kanë pasur të katërt. Kurse, dy prej tyre e kanë pasur më të avancuar, pjesën e problemit.
Katerina Trungu: Si e vutë re këtë problem?
Geraldo Vojkollari: Në momentin që kemi dalë nga materniteti, doktoresha na tha që bebet, që qëndrojnë gjatë në inkubator mund të jenë pjesë e këtij problemi, e mira është që të bëhet një vizitë sa më shpejt që të jetë e mundur. Lamë orarin e vizitës dhe atje kemi marrë vesh që bebet kanë këtë problem, sepse në pamje të parë duken shumë dhe nuk kanë asnjë problem. Po ti shikosh janë bebe shumë normale, por problemi i tyre qëndron brenda.
Katerina Trungu: Pra edhe goca edhe Roari, nuk kanë ndonjë reagim po themi për ta kuptuar, sepse janë edhe të vegjël dhe në bebet e vogla nuk arrin dot që të kuptosh mirë.
Rozeta Vojkollari: Duke qenë se janë katërnjakë, e kemi vënë re që ata nuk kanë të njëjtin reagim, si dy të tjerët.
Katerina Trungu: Çfarë iu thanë mjekët?
Geraldo Vojkollari: Që ishte diçka urgjente dhe që duhej bërë trajtimi sa më shpejt, fatkeqësisht nuk bëhet këtu në Shqipëri, por bëhet jashtë, dhe quhet shkëputje totale e retinës dhe hemorragji në pjesën e syrit.
Katerina Trungu: Janë të rrallë mjekët që e bëjnë këtë ndërhyrje?
Geraldo Vojkollari: Si pas informacioneve të mia janë katër mjekë që e bëjnë në të gjithë botën.
