U cilësua si “miliardere e vetëbërë”/ Kylie Jenner reagon pas kritikave: Asnjë nga paratë që kam fituar ndonjëherë nuk është trashëguar

Kylie Jenner ka reaguar së fundmi pas kritikave të shumta nga ndjekësit për faktin se u cilësua se “miliardere e vetëbërë”. 29-vjeçarja u shpall nga Forbes si “miliarderja më e re e vetëbërë” në vitin 2018, pasi kishte ndërtuar markën e saj Kylie Cosmetics dhe më pas shiti 51% të kompanisë te Coty për 600 milionë dollarë.

Megjithatë, pretendimi se pasuria e saj ishte “e vetëbërë” u vu vazhdimisht në pikëpyetje, për shkak të prejardhjes nga një familje jashtëzakonisht e pasur ndërsa në intervistën e saj të fundit Kylie ka pranuar se privilegji familjar i dha vërtet një avantazh të madh.

Ajo citoi se asnjë nga paratë që ka fituar nuk është trashëguar dhe njerëzit mendojnë se privilegji që ka pasur është një trampolinë e madhe ndërkohë që pasuria e saj aktuale vlerësohet me rreth 670 milionë dollarë. 

“Asnjë nga paratë që kam fituar ndonjëherë nuk është trashëguar, kështu që teknikisht është e vërtetë, por njerëzit thjesht mendojnë se privilegji që kam pasur ishte një trampolinë e madhe”, tha ajo.

Nga ana tjetër Jenner është në qendër të vëmendjes pas publikimit të një projekti të ri me fotosesionin për revistën “Who What Wear”.