Pensioniste duke shfrytezuar rrezet e diellit dhe temperaturat e larta ne parkun ne Sheshin Skenderbej ne qender te Tiranes. Qeveria Rama ka akorduar bonusin ...
Ditën e shtunë vendi ynë do të ndikohet nga kushte atmosferike relativisht të qëndrueshme si pasojë e depërtimit t&eum...
SHOWBIZ
Vendim i papritur në familjen mbretërore të Bruneit, sulltani i heq titujt nuses së djalit
PiranjatPërditësimi i fundit 14 Gusht 2026, 21:49
Një zhvillim i pazakontë ka tronditur familjen mbretërore të Bruneit. Sulltani Hassanal Bolkiah ka vendosur t’i heqë të gjithë titujt mbretërorë nuses së tij, Pengiran Rabiatul Antawiyya, duke e larguar gjithashtu nga familja mbretërore.
33-vjeçarja, e cila është bashkëshortja e Princit Abdul Malik, nuk konsiderohet më pjesë e familjes së sulltanit. Vendimi është lidhur nga pallati me një “sjellje të papërshtatshme” dhe “mungesë respekti”, që dyshohet se ka dëmtuar reputacionin e monarkisë.
Megjithatë, autoritetet e pallatit nuk kanë zbuluar se çfarë ka ndodhur konkretisht dhe cili veprim i saj ka çuar në këtë masë.
Rabiatul Antawiyya u bë pjesë e familjes mbretërore në vitin 2015, kur u martua me Princin Abdul Malik, djalin e dytë të sulltanit. Dasma e tyre ishte një ceremoni luksoze që zgjati plot dhjetë ditë. Çifti ka katër vajza, ndërsa titujt e fëmijëve nuk janë prekur nga vendimi.
Kush është Hassanal Bolkiah?
Hassanal Bolkiah është një prej monarkëve më jetëgjatë në pushtet. Ai është në fron që prej vitit 1967 dhe, përveç rolit si sulltan, mban edhe postin e kryeministrit të Bruneit.
Ai kontrollon disa prej sektorëve kryesorë të shtetit, përfshirë mbrojtjen, financat dhe politikën e jashtme. Brunei dhe sundimi i tij janë përballur ndër vite me kritika ndërkombëtare për politikat e të drejtave të njeriut, veçanërisht pas zbatimit të disa dispozitave të rrepta të ligjit penal islamik.
Ndërkohë, vendimi i fundit ndaj nuses së princit ka tërhequr vëmendje të madhe, pikërisht për shkak të misterit mbi arsyen konkrete që fshihet pas përjashtimit të saj nga familja mbretërore.
