VIDEO/ Dafina Zeqiri surprizon fansat në Tiranë me lajmin e gëzueshëm

Koncerti në sheshin e Tiranës është kthyer në një moment emocionues për fansat e Dafina Zeqirit, pasi artistja ka konfirmuar publikisht se është në pritje të ëmbël për herë të dytë.

Teksa performonte para mijëra qytetarëve të pranishëm, këngëtarja është ndalur për disa çaste dhe ka pranuar me emocion shtatzëninë e saj, duke marrë duartrokitje dhe reagime entuziaste nga publiku.

Pamjet nga koncerti po qarkullojnë me shpejtësi në rrjetet sociale, ku fansat kanë shpërthyer në urime për artisten. Pavarësisht shtatzënisë, Dafina u shfaq plot energji në skenë, duke interpretuar hitet e saj më të njohura dhe duke ndezur atmosferën në kryeqytet.