Studentët kanë marshuar sot në rrugët e Tiranës, ndërsa janë ndalur te Fakulteti i Ekonomikut, ku iu kanë bërë...
SHOWBIZ
VIDEO/ Momenti i sikletshëm i Kidës në dasmë, gati sa nuk u rrëzua
PiranjatPërditësimi i fundit 2 September 2026, 10:59
Këngëtarja e njohur shqiptare, Kida, i dha fund beqarisë mbrëmjen e kaluar, duke kurorëzuar dashurinë me partnerin e saj, Ajbin, në një ceremoni madhështore në Romë.
Dasma u shoqërua me emocione, momente romantike dhe një atmosferë festive, ndërsa çifti ndau me familjarët dhe të ftuarit një nga ditët më të rëndësishme të jetës së tyre.
Por, mes gjithë momenteve të bukura të mbrëmjes, një episod i papritur tërhoqi vëmendjen.
Teksa po ecte drejt altarit, Kida humbi për pak çaste ekuilibrin dhe për pak sa nuk u rrëzua. Momenti është kapur në video dhe është publikuar nga Indeks Online.
Megjithatë, këngëtarja arriti ta menaxhonte situatën me qetësi dhe vazhdoi rrugën drejt altarit.
Në ato sekonda, partneri i saj, Ajbi, reagoi menjëherë. Ai i kapi dorën Kidës dhe e ndihmoi të ruante ekuilibrin, duke e kthyer edhe këtë moment të papritur në një skenë të ëmbël mes çiftit.
Kida dhe Ajbi kurorëzuan dashurinë e tyre në një ceremoni elegante dhe luksoze, e cila u zhvillua në një nga rezidencat më të veçanta të Romës.
Pavarësisht këtij momenti të vogël sikleti, gjithçka vijoi pa probleme dhe çifti e shijoi mbrëmjen e tyre të veçantë nën shoqërinë e familjarëve dhe miqve.
