Tensione në protestën e sotme. Ndërsa kanë qenë duke vijuar marshimin, pati një situatë kaotike.
Policia u vendos kordon d...
SOCIALE
Auron Tare: Duhen futur njerëz në burg për "Pikën e Voçkël" të Kumbaros
PiranjatPërditësimi i fundit 27 Nëntor 2025, 18:01
Studiuesi Auron Tare për abuzimet e ndërtimeve në bregdetin e jugut e veçanërisht në Gjirin e Manastirit që kanë sjellë edhe shkatërrimin e trashëgimisë arkeologjike, duke lejuar ndërtimin e një fshati turistik, kërkon që të merren masa deri në burgosje.
Duke folur për “MCN Informacion” ai u shpreh se autoritetet nuk duhet ta lejonin se aty ka pasur rrënoja arkeologjike që janë evidentuar që në 2011 nga instituti i arkeologjisë dhe normalisht dihej që kishte rrënoja arkeologjike.
Sipas tij, është vërtetuar që ka pasur fshehje të dokumentacionit e cila i ka hapur rrugë ndërtimit të këtij resorti.
"Resorti është diku 100 metra larg murit të Demës një nga ndërtimet më të rëndësishme në botë, ku tre janë në total, dy janë në Greqi dhe një në Ksmail. Ky mur i ndërtuar në shekullin e IV para Krishtit ka një rëndësi të vetën. Aty ka dalë një kullë por është jo e qartë nëse ka qenë thjesht një kullë, ka pasur rrënoja të tjera.
Nuk besoj të jetë vetëm një kullë. Por edhe nëse ka qenë vetëm një kullë tregon rëndësinë e fortifikatave dhe rëndësinë e madhe strategjike të zonës. Kjo nuk mund të shkatërrohej, aq më tepër firmosur nga këshilli i trashëgimisë kombëtare dhe ministria e Infrastrukturës.
Këto institiucione i kanë hapur rrugë ndërtimit. Shteti shqiptar nuk ka humbur asgjë, se i ka humbur të gjitha, por problemi është çfarë humbet populli, kombi dhe historia jonë, aty është problemi i madh. Shteti me sa duket po ndihmon në prishjen e këtyre vlerave historike.
Vërtetohet me dokumentacion që njerëzit që paguhen për mbrojtjen e trashëgimisë, falsifikojnë dokumentet për t’i hapur rrugë këtyre ndërtimeve.
Në 2010 ka pasur kërkim shpëtimi nga Agjecia e Shërbimit Arkeologjik, më pas nga Ministria e Kulturës dhe firma private është marrë një arkeologe që sot është në universitetin shtetëror dhe ka bërë një vëzhgim shumë sipërfaqësor dhe ky dokumentacion i është dhënë më tej ministrisë e cila ka lejuar fillimin e punimeve.
Në raportin e vitit 2021 nuk përmenden gjetjet e 2021. Madje tregohet se kur është bërë raporti, janë bërë gërmime, janë futur eskavatorë për gërmime. Është bërë një raport sipërfaqësor, thjesht për të qenë në rregull me ligjim.
Aty duhet të kishte një ekip të tërë që merrej me raportin. Aty është prishur pasuria arkeologjike, kushdo që kalon e sheh që është bërë një katrahurë. Prokuroria e Tiranës dhe Sarandës duhet ta hetojë si një rast flagrant të shkatërrimit të pasurisë kombëtare.
Kjo që po bëhet atje, po shtrihet dhe në parkun kombëtar të Butrintit që është pasuri e UNESCO-s. Kjo është pasuri e brezave që vijnë, nuk i përket as ndonjë biznesmeni, as ndonjë kryeministri, i përket brezave të ardhshëm. Nuk është çudi më, por ka ardhur pika ku nuk mban më gota, po derdhet gota.
Duhen marrë masa për shkatërrimin e trashëgimisë kulturore. Të gjitha zonat, edhe zonat e mbrojtura, u amendua ligji për zonat e mbrojtura për ti hapur rrugë ndërtimit në zona të mbrojtura. Duhen futur njerëzit në burg, që ata mbas të kenë frikë. Kjo është zgjidhja. Të tjerat janë lule dhe trëndafila. Duhen futur njerëzit në burg për atë që është bërë."
