Shembet skarpata në hyrje të tunelit, mbyllet totalisht rruga Qukës-Qafë Plloçë (VIDEO)

Rënia e inerteve dhe dherave në aksin Qafë Plloçë-Qukës, është mbyllur për qarkullimin. Policia e qarkullimit rrugor Korçë dhe ajo e Elbasanit po orientojnë mjetet drejt rrugës së vjetër duke vendosur patrulla në hyrje të Qafë Plloçës dhe në hyrje të Qukësit për të mos lejuar hyrjen në aksin e ri.

Aksi do të qëndrojë i mbyllur deri në momentin që firma kontraktore të pastrojë plotësisht të gjitha dherat e inertet që kanë rënë në rrugë dhe derisa të mos ketë më rrezik për qarkullimin e mjeteve. Firma kontraktore edhe në këto momente ndodhet në aks ku po bën ndërhyrjet ndërsa nuk dihet se sa do të zgjatë bllokimi i qarkullimit në këtë zonë.

Megjithatë, nuk dihet ende se sa do të zgjasë bllokimi i qarkullimit në këtë zonë, duke lënë të pasigurt kohën e rikthimit të normalitetit në aksin Qafë Plloçë–Qukës.

Rruga e re kombëtare Qukës–Qafë Plloçë, u inaugurua nga kryeministri Edi Rama dhe ministrja e Infrastrukturës, Belinda Balluku më 5 shtator të këtij viti. Ajo u përurua pas 14 vitesh punime dhe me një kosto prej 260 milionë eurosh.