Qytetari denoncoi shpërthimin e ujërave të zeza tek Piranjat/ Bashkia Tiranë ndërhyn menjëherë pas publikimit të lajmit

Disa orë pas denoncimit të problemit nga një qytetar në “Piranjat News” se në zonën e Rrugës së Kavajës kishin shpërthyer ujërat e zeza, Bashkia e Tiranës ka ndërhyrë menjëherë për të riparuar problemin.

Qytetari që denoncoi rastin tregon se ekipet nga ndërmarrja e Bashkisë shkuan në vendngjarje për të rregulluar problemin.  

“Ju falënderojmë shumç pasi sa iu shkruajtëm ju na u zgjidh problemi. Erdhi makina për pastrimin e ujërave dhe u tha që ishte bërë një ankesë te Piranjat ndaj erdhën menjëherë dhe pse ditë e diel. Ju falënderoj në emër të të gjithë banorëve dhe bizneseve përreth.”, shkruan qytetari duke dërguar edhe foton përkatëse të mjetit të Bashkisë.