Kushte skandaloze në QSUT/ Qytetarja e shtrirë në korridor, merr serumin në karrige

Partia Demokratike denoncon rastin e një gruaje e cila po merr shërbim në kushte skandaloze në Urgjencën e Qendrës Spitalore Universitare “Nënë Tereza”. Siç shihet në foto, qytetarja me serum në dorë është e shtrirë në korridoret e Urgjencës , pa një shtrat, pa një dhomë, pa dinjitetin minimal që i takon çdo pacienti.

Reagimi: 

Një nënë, një grua, një qytetare… e shtrirë në karriget e korridorit të Urgjencës në Qendra Spitalore Universitare Nënë Tereza, me serum në dorë, pa një shtrat, pa një dhomë, pa dinjitetin minimal që i takon çdo pacienti.

Kjo është gjendja reale e shëndetësisë sot. Është një qytetare e sëmurë e shtrirë mbi karrige metalike, në pritje të një shërbimi bazik. Shëndetësia nuk është luks.

Nuk është fasadë. Është jetë. Pacientët nuk janë statistika. Janë prindërit tanë, janë motrat tona, janë njerëzit tanë.

Kjo situatë kërkon reagim, kërkon përgjegjësi, kërkon ndryshim.