Lagështia pushton pallatin në Vlorë, banorët: Po kalben muret, rrezikojmë të sëmuremi

Banorët e një pallati në qytetin e Vlorës kanë ngritur shqetësimin për një situatë të rëndë lagështie që, sipas tyre, po rrezikon seriozisht shëndetin dhe sigurinë e tyre.

Denoncimi vjen nga lagjja “Lef Sallata”, në pallatin nr. 1044, ku qytetarët thonë se muret e ndërtesës janë dëmtuar rëndë si pasojë e rrjedhjeve të ujit nga depozitat dhe bojlerët, dhe jo për shkak të reshjeve të shiut.

Sipas banorëve, lagështia ka avancuar deri në kalbjen e mureve, duke krijuar kushte të papërshtatshme për jetesë dhe rrezik për shfaqjen e problemeve shëndetësore. Ata shprehen se situata është bërë kritike dhe kërkon ndërhyrje të menjëhershme.

Banorët i bëjnë thirrje organeve të pushtetit vendor që të ndërhyjnë sa më parë për të zgjidhur këtë problem, ndërsa kërkojnë edhe verifikimin e situatës në terren dhe marrjen e masave përkatëse.

Denoncimi i qytetarit:

Pershendetje. Këto pamje që po shikoni janë në qytetin e Vlores ne lagjen Lef Sallata Pallati nr. 1044. Do tu lutesha ti trasmetoni keto pamje pasi giendja eshte shume kritike per ne si banore por do te na duhej patjeter ndihma e organeve te pushtetit vendor. Ju lutemi na ndihmoni. Ju faleminderit shume. E gjithe kjo si rezultat i bolierëve jo si rezultat i shiut