Mbyllet segmenti hyrës i Unazës së Pogradecit

Segmenti hyrës i Unazës së Pogradecit, nga Qafë Thana drejt qytetit, do të jetë i mbyllur përkohësisht për shkak të rrezikut të rënies së gurëve, pas dëmtimit të skarpatës nga reshjet e fundit. Punimet për stabilizimin e skarpatës do të vijojnë edhe nesër, me qëllim përmirësimin e kushteve të sigurisë. 

Njoftimi: 

Njoftohen të gjithë drejtuesit e automjeteve se segmenti hyrës i Unazës së Pogradecit kur vjen nga Qafë Thana drejt qytetit, do të jetë përkohësisht i mbyllur për qarkullim për shkak të rrezikut të rënies së gurëve, si pasojë e dëmtimit të një pjese të skarpatës nga reshjet e fundit. ❗️Theksojmë vetëm hyrja për në Unazë.

Punonjësit në terren do të vijojnë edhe nesër punën për stabilizimin dhe përmirësimin e skarpatës së kodrës. Hapja e këtij segmenti do të njoftohet në një moment të dytë, sapo të përfundojnë punimet dhe të garantohet siguria.