“Natë sakrifice”, ushtria evakuon dhjetëra banorë të përmbytur nga lumi Seman

Gjatë orëve të natës, evakuimet e banorëve në bashkitë Kuçovë dhe Dimal kanë vazhduar nga forcat e ushtrisë. Ministria e Mbrojtjes thotë se evakuimet janë bërë për të garantuar sigurinë e tyre.

Reagimi:

Një tjetër natë sprove dhe sakrifice për djemtë e Regjimentit të Këmbësorisë së Jugut, të angazhuar në të dy anët e lumit Seman.

Evakuimi i banorëve në fshatrat buzë lumit të bashkive Kuçovë dhe Dimal ka vazhduar gjatë gjithë natës, si masë parandaluese për garantimin e sigurisë së tyre.

Forcat e Armatosura, në koordinim me Agjencia Kombëtare e Mbrojtjes Civile, mbeten të angazhuara në terren, krah për krah me strukturat vendore, për menaxhimin e situatës dhe mbrojtjen e jetës dhe pronës së qytetarëve.