Në fund të prillit 2026, kur oficerët e policisë gjyqësore hynë për kontroll në vilën F6 të kompleksit “...
SOCIALE
'Në Itali kushton 50 euro, këtu 250 mijë lekë'/ Qytetari denoncon mungesën e barnave: Prej katër muajsh nuk marr medikamentin jetik
PiranjatPërditësimi i fundit 6 August 2026, 20:22
Një qytetar ka denoncuar mungesën e barnave të nevojshme për trajtimin e sëmundjes së tij të gjakut gjatë protestës së 68-të kundër qeverisë, duke ngritur shqetësimin për vështirësitë që po has në sigurimin e medikamenteve jetike.
Kujtim Çorapi tha se prej katër muajsh nuk ka mundur të marrë medikamentin që i nevojitet për kurimin, ndërsa për shkak të kostos së lartë nuk ka mundësi ta sigurojë atë me shpenzimet e veta.
Sipas tij, ai i është drejtuar disa herë institucioneve përgjegjëse, përfshirë Ministrinë e Shëndetësisë dhe Fondin e Sigurimit të Detyrueshëm të Kujdesit Shëndetësor, por nuk ka marrë një zgjidhje.
“Unë jam një person me sëmundje gjaku dhe nuk ka ilaçe. Prej 4 muajsh nuk marr dot medikamentet për kurimin. Kam shkuar në Ministri, kam shkuar edhe te Fondi i Sigurimeve. Me çmimet që kanë këtu më mirë shkoj në Kosovë disa herë për t’i marrë, madje edhe të mbeten lekë. Pse mos të kemi mundësi të kurohemi në vendin tonë?”, u shpreh Çorapi.
Ai deklaroi se ka kërkuar disa herë informacion mbi mbërritjen e barnave, por pa rezultat.
“Pesë herë në ministri dhe më kanë përcjellë. Më thanë se në fund të korrikut do të vijnë, por tani jemi në gusht dhe ende nuk ka ardhur”, tha ai.
Qytetari bëri edhe një krahasim të çmimeve të medikamentit jashtë vendit dhe në Shqipëri, duke pretenduar se diferenca është shumë e madhe dhe e papërballueshme për të.
“Në Itali është 50 euro, por këtu shkon 250 mijë lekë. Pensioni im është 230 mijë lekë, ndërkohë që ilaçet e mia shkojnë mbi 200 mijë lekë”, u shpreh Çorapi.
