Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
SOCIALE
Nga zyrat, drejt ndërtimit jashtë Shqipërisë/ Të kualifikuarit, sakrifikojnë karrierën për zanatet në emigrim
PiranjatPërditësimi i fundit 28 Tetor 2025, 21:56
Emigrimi drejt Gjermanisë vijon të mbetet një ndër tendencat më të forta të viteve të fundit për qytetarët shqiptarë. Ndërsa shteti gjerman ka lehtësuar ndjeshëm procedurat për punonjësit e kualifikuar, gjithnjë e më shumë shqiptarë po aplikojnë edhe për vizat e punës të pakualifikuara, duke bërë kompromis me profesionin dhe karrierën e tyre.
Hygerta Aruçi- Specialiste e të drejtave të të huajve: "Habia jonë më e madhe është fakti që individët që vijnë nga Shqipëria të cilët zotërojnë një kualifikim të caktuar pavarësisht fushës dhe profesionit, synojnë dhe janë gati të bëjnë kompromis edhe me vizën e pakulifikuar. Të dyja kanë benefite dhe favorizimet e tyre absolute në aspektin e punonjësve të kualifikuar.
Gjermania ka lehtësuar komplet masat, flasim tek gjuha, tek fakti i bashkimit familjar, gjë që e bën të mundur integrimin më shpejt të një familje dhe bashkimin sa më të shpejt të tyre.
Ndërsa tek punësimi i të pakualifikuarëve është mundësia më e artë që bëjnë individët për të ardhur dhe të emigruar në Gjermani për të marrë një vizë pa pasur mundësi diplome, gjuhën apo eksperiencën e mëparshme, por vetëm përmes një paramiratimi, dhe vetëm koha që tashmë po flasim është diku 10 muaj pritje, e bën të mundur që një individ të emigrojë drejt Gjermanisë. Ajo që është e çuditshme për mua, ose që është trend është fakti që edhe në rastin që është një individ i kualifikuar është gati të sakrifikojë profesionin, karrierën, pavarësisht moshës edhe viteve, këto janë kompromise që bëhen me veten e tyre dhe më pas drejt zgjedhjes dhe drejt rrugëtimit, ato kualifikohen dhe marrin masat dhe kualifikimet e nevojshme."
Nga gastronomia, ndërtimi gjithashtu edhe shoferë të klasit B, janë këto disa nga profesionet të cilat shqiptarët punojnë jashtë vendit. Por si është trendi i emigrimit çift?
“Në pjesën e punësimit të kualifikuar është shumë lehtë, një individ mund të marrë partneren në një kohë shumë më të shpejtë. Ndoshta dhe lehtësia e pasjes së një rroge më të lartë për shkak të pozitës që ato zotërojnë dhe lejes së qëndrimit. Ndërsa në pozitën e punonjësve të pakualifikuar ne shikojmë një trend që individët po aplikojnë të dy paralel në vizat e punës dhe pasi vijnë në Gjermani bëjnë konvertimin e lejes së qëndrimit"./skan
