Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
SOCIALE
Një grumbull dërrasash që shkolluan disa kalamaj dhe mbajtën një familje.
PiranjatPërditësimi i fundit 29 Mars 2026, 21:02
Nga Armand Braho
Këtë të diel, që në pikë të mëngjesit, urdhri i prefektes së Korçës nxori policinë bashkiake për të larguar me forcë përsëri shitësit ambulantë nga rruga. Duke mos i dhënë asnjë përgjigje apo zgjidhje, veprimi i vetëm ishte t’i largonte nga rruga, të mos shesin, sepse sipas saj janë burim aksidentesh.
Një zonjë që takova këtë mëngjes, në kohën kur po filmoja, më erdhi e frustruar, duke menduar se isha ndonjë inspektor që po përgatisja sulmin e radhës për t’i hequr bukën e gojës. Direkt, pa më pyetur, më tha: “Turp nuk ju vjen? Më thatë të zhvendosem 3 metra, u largova 7 metra nga rruga.
Çfarë doni më shumë, apo dhe këtë mundësi doni të na hiqni? Me këtë grumbull dërrasash shkollova djalin, e martova dhe e përcolla jashtë Shqipërisë, tani po mbaj shtëpinë…” I shpjegova që nuk isha nga mercenarët e prefektes kukull dhe po më qante hallin. Ky ishte një realitet në shumë tezga që sot nuk u hapën.
Pyetjet direkte për prefekten kukull politike, e cila përdori dhe fuqinë e “avokatëve” që herë shfaqeshin me profile fake dhe herë derdhnin vrer në emër të vlerave dhe funksionimit të rregullt të institucioneve, janë shumë të thjeshta:
1- Cila është masa që ke marrë për ata që i ke detyruar të mbyllin aktivitetin që mban gjallë ekonominë e tyre familjare?
2- Janë së paku 5 subjekte ku është dokumentuar që janë kthyer në njolla të zeza dhe ka rekorde të rrezikshme aksidentesh, kryesisht biznese të mëdha. Prandaj lind pyetja: zonja prefekte, kë po mbron që këto subjekte nuk po i mbyll? Kush janë pronarët e tyre?
3- Zonja prefekte, pse nuk ndjek të njëjtin standard me shumë biznese të tjera që ndodhen buzë rrugës, kryesisht të licencuara dhe me leje nga njësitë e pushtetit vendor?
4- Pse zgjodhe ta bësh në një formë anonime këtë aksion, pa ngritur më parë një task-forcë dhe pa kryer më parë njoftimet përkatëse, apo dhe larg vëmendjes së medias?
Kaq mjafton për të kuptuar mendjengushtësinë e një zyrtareje arrogante, e cila nuk kursen as marionetat për të mbytur zërat kundër. Një lodër politike johumane dhe aspak profesionale. Turp!
