Vetëm një javë më parë, në kuadër të “Pranisë Besnike”, kryeministri Edi Rama u përcolli deputet&e...
SOCIALE
OKI, ilaçi i përdorur masivisht që mund të rrezikojë jetën: Efektet anësore nga stomaku te zemra dhe truri
PiranjatPërditësimi i fundit 12 Nëntor 2025, 11:41
Ilaçi i njohur si ‘OKI’ ose siç njihet ndryshe Ketoprofeni, po përdoret në përmasa shumë të mëdha në mbarë vendin. Ketoprofeni përdoret për të lehtësuar dhimbjet e ndryshme. Ai zvogëlon dhimbjen, ënjten dhe ngurtësinë e nyjeve nga artriti. Ky është një ilaç anti-inflamator josteroidal.
Ajo funksionon duke bllokuar prodhimin e disa substancave natyrale në trup që shkaktojnë inflamacion. Ky efekt ndihmon në uljen e ënjtjes, dhimbjeve të ndryshme dhe etheve.
Para disa muajsh, Shqipëria vendosi të ndalonte shitjen e këtij ilaçi pa recetën e mjekut mbi 40 miligram. Sidoqoftë, kjo masë që ndalon përdorimin pa lejen e mjekut nuk ekziston në Kosovë dhe shitja e tij po bëhet në masë të jashtëzakonshme. Ky medikament redukton temperaturën, dhimbjen (e në veçanti atë të kokës) dhe inflamacionin.
Mjekët thonë se gjatë përdorimit të tij duhet evituar edhe përdorimin e alkoolit, pasi përdorimi kronik i tij mund të rris rrezikun e dëmtimit të mëlçisë ose hemorragjisë së stomakut.
Efektet anësore potenciale janë të frikshme. Ato përfshijnë sulmin në zemër, për njerëzit që kanë probleme me zemër. Goditjen në tru. Hipertensionin arterial HTA. Probleme të veshkave deri në insuficencë renale. Hemorragji dhe ulçerë në stomak. Anemi. Reaksione në lëkurë.
Efektet e tjera anësore: dobësim i shikimit, irritim të lëkurës, depresion, inflamacion të fshikëzës, ndryshime në disponim, zhurma në vesh, ulje apetiti, vështirësi për të fjetur, marramendje, djersitje e tepërt, energji e dobët, vjellje, ulçerë stomaku, anemi, lodhje të gjoksit, konfuzion, dëmtim i mëlçisë, sy të tharë, dhimbje syri, dëmtim të kujtesës, dhimbje muskujsh, gjakderdhje nga hundët, vështirësi për të marrë frymë, gojë e thatë, rrahje të shpejta të zemrës dhe humbje peshe. KUJDES nuk duhet përdorur si metodë për personat që kërojnë të humbasin peshë është e rrezikshme.
