Presidenti amerikan, Donald Trump tha të dielën se do të shqyrtojë kërkesat e familjeve të viktimave të 11 shtatorit pë...
SOCIALE
Pesë elektricistë të vdekur në më pak se dy muaj, çfarë po ndodh me sigurinë në punë?!
PiranjatPërditësimi i fundit 14 Shtator 2026, 09:26
Elektricisti Klajdi Zekthi, 33 vjeç, humbi jetën mëngjesin e sotëm në Belsh, teksa punonte për rikthimin e energjisë pas motit të keq. I riu dyshohet se ra në kontakt me rrymën e tensionit të lartë.
Zekthi është elektricisti i pestë që humb jetën gjatë punës ose nga kontakti me energjinë elektrike brenda më pak se dy muajsh në Shqipëri.
Më 22 korrik, Bashkim Boçi, punonjës i OSSH-së, humbi jetën në Himarë teksa punonte për rikthimin e energjisë pas stuhisë. Ai ra nga një lartësi prej rreth nëntë metrash pasi iu këput rripi i sigurisë.
Katër ditë më vonë, Agim Beqiri humbi jetën në Pogradec pasi ra në kontakt me rrymën gjatë riparimit të një defekti në rrjet.
Më 29 gusht, elektricisti David Deda ndërroi jetë në Karmë të Vaut të Dejës, pasi u godit nga energjia elektrike teksa po riparohej një defekt.
Vetëm një ditë më parë, më 11 shtator, Ermal Debrova, 46 vjeç, humbi jetën në Marglliç të Patosit gjatë punës për montimin e një shtylle elektrike.
Pesë jetë të humbura brenda 52 ditësh ngrenë pikëpyetje të rënda për pajisjet mbrojtëse, trajnimin e punojësve, sigurinë e rripave, ndërprerjen dhe verifikimin e tensionit përpara ndërhyrjes, komunikimin mes dispeçerisë dhe ekipeve, si edhe mbikëqyrjen në terren.
Rastet kërkojnë një hetim të plotë nga institucionet përgjegjëse për të përcaktuar nëse janë respektuar protokollet dhe nëse elektricistët kanë pasur pajisjet e nevojshme për të punuar pa rrezikuar jetën. /skyweb.al
