Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
SOCIALE
'Premtimi i harruar i Ramës'/ Irida Cami: Të sëmurët me diabet luftojnë për mbijetesë
PiranjatPërditësimi i fundit 14 Nëntor 2025, 09:48
Në Ditën Botërore të Diabetit, Shqipëria përballet me një situatë alarmante, ku numri i pacientëve rritet vazhdimisht ndërsa mosha e të prekurve ulet nga viti në vit. Sistemi shëndetësor duket i paaftë të menaxhojë atë që tashmë konsiderohet një pandemi globale, duke i lënë pacientët në një betejë të përditshme për mbijetesë. Në vitin 2018, Kryeministri Edi Rama premtoi se fishat e matjes së diabetit do të bëheshin falas, një lehtësim që do t'u kursente pacientëve koston e një pensioni mujor në vit.
Ky premtim mbeti i pambajtur, duke u shtuar listës së dështimeve në sektorin e shëndetësisë dhe duke rënduar më tej barrën ekonomike mbi familjet e prekura.
Pacientët denoncojnë kosto të larta për medikamentet, trajtimet dhe ekzaminimet e nevojshme. Përveç kostos së gjilpërave, një problem serioz është edhe kufizimi i rimbursimit të trajtimit për vetëm një vit, si dhe mungesa e disa ilaçeve thelbësore në tregun farmaceutik. Kjo situatë ka çuar në pasoja fatale, ku sipas Organizatës Botërore të Shëndetësisë (OBSH), në Shqipëri regjistrohen nga 300 deri në 320 vdekje në vit si pasojë e diabetit.
Duke folur për situatën aktuale, aktivistja Irida Cami nga studioja e 'Kafe Shqeto' përshkruan gjendjen si "minus zero", duke theksuar se për pacientët, veçanërisht për fëmijët, kjo nuk është një luftë kundër sëmundjes, por një "luftë për mbijetesë". Ajo tregon për angazhimin e saj me fëmijë të diagnostikuar me diabet të tipit 1 në Vlorë, duke nxjerrë në pah sfidat e mëdha me të cilat përballen më të vegjlit.
Ndërkohë që pacientët luftojnë për të siguruar mjetet bazë, qeveria ka bërë një tjetër premtim: një buxhet prej 1 miliardë eurosh për shëndetësinë në vitin 2026. Megjithatë, duke pasur parasysh premtimet e mëparshme të pambajtura, mbetet një skepticizëm i thellë nëse ky financim do të shërbejë realisht për të luftuar këtë "epidemi të heshtur" apo do të jetë thjesht një tjetër akt propagandistik.
Deklarata për 'Kafe Shqeto':
'Nuk është pozicion i keq. Më shumë se sa lufta, është tani për tani lufta për mbijetesë.
Unë kam pasur rastin, për arsye miqësore, familjare, të angazhohem fillimisht me një fëmijë ose dy, pastaj dalëngadalë angazhimi është zgjeruar, sidomos në Vlorë ku kemi disa fëmijë që po ndjekin bashkë me disa mjekë shumë të mirë këtu.
Është krijuar atje një rrjet, sado i vogël. Fillimisht ishin dy-tre fëmijë, bëhet fjalë për fëmijë të vegjël, për fëmijë që janë në fillore, që vuajnë nga diabeti tip 1, që është një sëmundje autoimune.”/Syri Tv
