16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SOCIALE
Protestë kundër bllokimit të rrugës 200-vjeçare/ Banorët: Duan t'na marrin jetën! Kalaja: Fushë-Kruja ndahet përgjysmë
PiranjatPërditësimi i fundit 14 September 2026, 15:33
Qytetarët kanë dalë në një protestë urgjente në lagjen ‘Bakushe Visha’ në Fushë-Krujë, duke bllokuar aksin nacional. Shkaku i kësaj revolte është ndërtimi i rrugës së re, i cili ka sjellë një kaos total dhe ka izoluar tërësisht komunitetin autokton të zones, ku rruga ekzistuese 200-vjeçare e kësaj lagjeje është bllokuar papritur me masive të mëdha betoni.
Nga terreni në një komunikim direkt me emisionin ‘Kafe Shqeto’ në Syri Tv, kreu i PD Krujë, Aulon Kalaja tha se ky veprim ka lejuar vetëm kalimin e mjeteve të tonazhit të rëndë, duke e kthyer rrugën historike të komunitetit në një rrugë qorre. Sipas Kalasë, për shkak të këtij projekti, lagjja është ndarë përgjysmë, duke pamundësuar komunikimin normal mes vetë banorëve të qytetit.
Qytetarët e indinjuar theksojnë se kjo është një protestë apolitike për të drejtat e tyre më elementare jetësore, ku pavarësisht kërkesave të vazhdueshme për llogari në bashki, atyre nuk u është vënë në dispozicion projekti dhe ndihen të injoruar totalisht nga qeveritarët.
Banorët e përshkruajnë situatën si një skandal të vërtetë, ndërsa një prej tyre e quajti situatën "për faqe të zezë", si dhe duke deklaruar se ndihen sikur shteti po kërkon t'u marrë jetën.
‘Siç e shikoni jemi me banorë të lagjes "Bakushe Visha" në Fushë-Krujë, të cilët kanë dalë për me blloku rrugën kryesore që po ndërton bashkia, dhe protestohet sepse ka krijuar një kaos total. Për shkak se kjo rrugë që ekzistonte para 200 vitesh, pra e shikoni me cilin asfalt... pra rruga e lagjes, bllokohet totalisht. Kanë vendosur këtë masiv betoni dhe nuk ka komunikim njëra lagje me lagjen tjetër. Pra e shikoni, këtu kalojnë makinat e tonazhit të rëndë, mund ta ndjekësh. Dhe këtu tani e kanë bllokuar rrugën dhe është një rrugë qorre, që është shumë e rëndësishme për banorët, mund të flasin edhe vetë banorët, që i ndan këta përgjysmë. Pra kërkohet minimalisht që të vendoset një semafor këtu, duhet një zgjidhje sepse ndahet Fushë-Kruja përgjysmë. Shumë mirë që po bëhet rruga e re. Kjo është një protestë jo politike, është një protestë që këta dalin për të drejtat e veta. Kush janë këta kryetarë bashkish, deputetë, çfarë janë këta qeveritarë që e ndajnë lagjen "Bakushe Visha"? Një nga lagjet më të rëndësishme të Fushë-Krujës, Fushë-Krujë-formuese kjo lagje. Janë banorë autoktonë, janë banorë të cilët sot janë shumë të indinjuar, kanë kërkuar llogari në bashki dhe nuk iu është dhënë projekti. Dhe me një të rënë të lapsit sot shohin veten që nuk mund të kalojnë këtu. Rrugica e parë e bllokume, rrugica tjetër atje e bllokume, rrugica djathtas që futesh në thellësi të lagjes e bllokuar, dhe nuk ka komunikim. Pra duhet të shkojnë në Luz për me shku në Fushë-Krujë nga ana tjetër sepse s'kanë ku të kthehen’, u shpreh Kalaja
‘Situata është për faqe të zezë. Këtu duan me na marrë jetën. Se jetën na kanë marrë, po duan me na e heq krejt! Na bllokojnë rrugën 200 vjeçare. Vijnë këta e bllokojnë rrugën... Çfarë t'i bëjmë ne këtij shteti? Si t'ia vemë emrin kësaj pune? Me thënë mirë, s'bëhet, veç me vra veten. Prapë me vra veten se këtu s'kemi ça me bë. Faqja e zezë me të gjitha anët’, u shpreh një nga banorët e izoluar si pasojë e bllokimit të rrugës.
