Rritet çmimi i bukës në Korçë, pa asnjë sqarim për qytetarët
Çmimi i bukës është rritur sot në Korçë, duke prekur drejtpërdrejt një nga produktet më bazike të shportës së konsumit. Pothuajse në çdo fuurë, buka e zakonshme ka kaluar nga 700 në 900 lekë, ndërsa buka masive nga 1200 në 1500 lekë.
Rritja ka hyrë në fuqi menjëherë, pa asnjë paralajmërim apo sqarim publik për konsumatorët. Në një kohë kur familjet përballen me kosto të larta jetese, çdo ndërhyrje në çmimin e bukës ka ndikim të menjëhershëm në buxhetin ditor.
Deri në këtë moment, nuk ka një reagim zyrtar nga institucionet përgjegjëse për monitorimin e tregut, ndërsa pjesa tjetër e furrave në qytet nuk kanë reflektuar të njëjtën lëvizje.
Edhe magazinat e miellit nuk raportojnë rritje çmimi, çka ngre pikëpyetje mbi arsyet reale të këtij vendimi.
Në mungesë transparence, rritja e çmimit të bukës perceptohet si një barrë e shtuar për qytetarët dhe një vendim i njëanshëm që kërkon shpjegim./ piranjat.news
Lexo edhe
SOCIALE
Durrësi të enjten 8 orë pa ujë, ky është shkaku
Çmimi i naftës fillon të rritet në disa pika të Tiranës- Ja sa shkon
A duhet t’i besoni ChatGPT Health? Ja çfarë tregon studimi i fundit!
Lufta prek naftën në Shqipëri/ Rritet lehtë çmimi, ekspertët kërkojnë ulje të taksave dhe fiksim të çmimit si në Kosovë
Ilaçe si Ozempic mund të rrisin me 30% rrezikun për dobësim të fshehtë të kockave
Bizneset shtojnë kursimet pas festave, individët jo!
Lumi Ishëm kthehet në kosh mbeturinash në mes të Fushë Krujës (VIDEO)
Fatkeqësitë natyrore, Shqipëria me sigurim minimal, vetëm 10 euro për frymë
