Rruga me baltë dhe gropa vetëm dy larg qytetit të Pogradecit, banorët apel bashkisë

Rruga e fshatit Remenj që e lidh me qytetin e Pogradecit është në gjendje të degraduar.

Një prej banorëve që denoncon gjendjen e rrugës, thotë se në të nuk është bërë asnjë investim.

E dëmtuar prej vitesh, për më tepër gjatë shirave rruga bëhet thuajse e pakalueshme. Përveç vështirësive në lëvizjen e automjeteve, problemet shtohen edhe për nxënësit dhe të moshuarit.

Banorët i janë drejtuar disa herë me kërkesa kryetarit të Bashkisë së Pogradecit, Ilir Xhakolli, por deri më tani nuk kanë marrë asnjë përgjigje konkrete. Ata kërkojnë nga institucioni vendor që të ndërhyjë për të rregulluar rrugën, si e vetmja mundësi që banorët e mbetur të mos largohen dhe zona të ringjallërohet.