Situatë kritike! Shkumbini del nga shtrati, përmbyten dhjetëra banesa

Situatë kritike në disa zona të Lushnjes për shkak të prurjeve të lumenjve Shkumbin e Seman.

Në fshatin Thanasaj ujërat e Shkumbinit kanë përfshirë dhjetëra banesa e oborre. Deri në këto momente uji brenda argjinaturës nuk rrezikon dalje nga argjinatura.

Në lumin Seman, fshati Murriz- Kozare ndodhet nën pushtetin e ujërave të lumit Seman. Ngritja e nivelit të këtij lumi rrezikon shumë fshatra përgjatë argjinaturës.

Më e vështirë situata në Imshtë ku uji është pothuaj në nivel me argjinaturën. Deri për momentin nuk ka rrezik çarje të argjinaturës, por nëse prurjet vazhdojnë, ujërat mund të kalojnë argjinaturën.

Informacion i ores 08.00 date 11.01.2026 mbi situaten ne qarkun Fier.

Aktualisht në Qarkun Fier nuk ka reshje shiu.

Deri në këto momente situata paraqitet si më poshtë:

Nuk ka infrastrukturë kritike të dëmtuar.

Akset nacionale dhe rurale janë të kalueshme normalisht.

Furnizimi me energji elektrike është në normalitet.

Furnizimi me ujë të pijshëm është në normalitet.

Hidrovoret janë në gjendje pune dhe në gatishmëri të plotë.

Prurjet në lumin Vjosë janë në kuota të larta, me një tendencë në ulje, referuar të dhënave nga ura e Memaliajt.

Vazhdon tërheqja e ujrave në drejtim të Hidrovorit të Darzezës nga tokat bujqësore të prekura nga përmbytja e lumit Vjosë.

Prurjet në lumenjtë Seman janë në kuota të larta.

Lumi Seman ka dalë nga shtrati në fshatin Murriz, Njësia Administrative Fiershegan, Bashkia Lushnje, dhe ka përmbytur oborre banesash.

Lumi Seman ka përmbytur rreth 100 ha tokë bujqësore brenda argjinaturave në zonën Roskovec–Patos dhe Fier.

Lumi Shkumbin ka dalë nga shtrati dhe në fshatin Thanasaj ka kaluar nivelin e argjinaturës, duke prekur rreth 20 banesa.