VIDEO/ Lumi Erzen del nga shtrati, nisin përmbytjet

Prurjet e lumit Erzen kanë arritur në nivelin maksimal, duke rritur rrezikun e daljes nga shtrati. Sipas njoftimit të Bashkisë së Durrësit, situata paraqitet më problematike në urën që lidh njësinë administrative Sukth me atë të Katundit të Ri, ku po merren masa urgjente.

“Prurjet e lumit Erzen kanë arritur kuota maksimale. Në urën lidhëse midis njësisë Sukth dhe atë të Katundit të Ri po merren masa për të minimizuar prurjet e lumit jashtë shtratit. Ekipet e emergjencave janë në terren për të monitoruar situatën dhe për t’i ardhur në ndihmë familjeve të këtyre zonave.”, shkruan kryetarja e Bashkisë, Emiriana Sako.