Presidenti rus Vladimir Putin ka bërë deklarata të reja lidhur me territoret perëndimore të Ukrainës, duke pretenduar se ato mun...
SOCIALE
Vlora tre ditë pa ujë! Sa kohë i duhet qeverisë për një tubacion?
PiranjatPërditësimi i fundit 28 Dhjetor 2025, 12:06
Qyteti i Vlorës, po përballet prej tre ditësh, me mungesë të furnizimit me ujë të pijshëm, duke ndikuar drejtpërdrejt në jetën e përditshme të qytetarëve dhe funksionet jetike të tyre.
Sipas raportimeve, situata ka ardhur si pasojë e dëmtimit të një tubacioni kryesor të ujësjellësit, ndërkohë që riparimi i defektit ka zgjatur më tepër sesa pritej.
Një nga aspektet më shqetësuese të kësaj situate është ndikimi në spitalet dhe institucionet shëndetësore të qytetit. Mungesa e furnizimit të qëndrueshëm me ujë ka krijuar vështirësi serioze në garantimin e kushteve higjieno-sanitare dhe funksionimin normal të shërbimeve mjekësore për pacientët.
Sipas raportimeve, spitali i qytetit është duke u furnizuar me ujë nga autobotet e zjarrfikësve, por këto të fundit nuk mund të zgjasin shumë gjatë.
Ndërprerja e ujit ka ndikuar edhe në qindra familje, të cilat janë detyruar të përballen me mungesë të një shërbimi bazë. Kjo situatë ka krijuar vështirësi të konsiderueshme për higjienën, gatimin dhe nevojat elementare të përditshme, duke rënduar veçanërisht familjet me fëmijë, të moshuarit dhe personat me probleme shëndetësore.
Qytetarët janë shprehur të shqetësuar se nuk kryejnë dot nevojat jetike, teksa kanë akuzuar shtetin për neglizhencë.
Ata ngrenë alarmin se mund të shpërthejë ndonjë epidemi, pasi dhjetëra shtëpi nuk kanë as ujë të pijshëm as rezerva në depozitat e tyre.
“Rast shumë emergjent dhe shqetësues. Vlora ka 3 ditë pa ujë. U qelbëm, jemi në prag epidemie, është bërë m*ti mullar. Nuk e dimë cfarë problem ka, po dh**sin njerëzit poshtë pallateve”, është shprehur një banor për mediat.
Përgjegjësia institucionale dhe mos reagimi qeveritar
Zgjatja e riparimit të defektit në tubacionin kryesor të këtij qyteti ka ngritur pikëpyetje mbi gjendjen e infrastrukturës së ujësjellësit dhe mbi kapacitetet e institucioneve përgjegjëse në raste emergjente.
Në një kohë kur qeveria Rama synon të fusë Shqipërinë në BE, duket se nuk siguron as kushtet minimale për qytetarët, atë të furnizimit me ujë të pijshëm.
Edhe pse kanë kaluar më shumë se 48 orë, as qeveria dhe as institucionet përkatëse, nuk kanë marrë përgjegjësi për menaxhimin e situates apo për sqarimin e shkaqeve të vonesës.
Edhe pse furnizimi i vazhdueshëm me ujë të pijshëm është një detyrim institucional dhe një standard bazë për mirëqenien e qytetarëve, shteti ka marrë pushimet duke lënë qytetarët në mëshirë të fatit dhe duke mos dhënë asnjë afat se sa do të zgjasë ky hall madhor që i ka zënë qytetarët në prag festash.
