Zgjidhet drejtorja e re e përgjithshme e INSTAT-it
Kuvendi miratoi sot në seancë plenare, me 75 vota pro, emërimin e Lantona Sados në detyrën e Drejtores së Përgjithshme të Institutit të Statistikave (INSTAT).
Këshilli i Ministrave i kishte propozuar Kuvendit tre kandidatura për këtë pozicion, mes të cilave edhe Elsa Dhuli, e cila aktualisht mban postin e drejtores së INSTAT-it, si dhe Ledjon Shahinin.
Gjatë dëgjesës në Komisionin Parlamentar për Ekonominë, Punësimin dhe Financat, Sado prezantoi vizionin e saj për drejtimin e institucionit.
Në fjalën e saj, ajo theksoi rolin strategjik të INSTAT-it, veçanërisht në një kohë kur prodhimi, analiza dhe komunikimi i informacionit statistikor kërkojnë standarde gjithnjë e më të larta.
Sipas saj, statistikat zyrtare zhvillohen në një kontekst ku kërkohet rritje e transparencës, përdorim i inovacionit në produktet statistikore dhe forcim i mëtejshëm i besueshmërisë së të dhënave.
“Roli i INSTAT-it është strategjik në mbështetje të përmbushjes së kritereve për anëtarësimin e Shqipërisë në Bashkimin Evropian”, u shpreh Sado, duke theksuar rëndësinë e përmirësimit të vazhdueshëm të cilësisë së statistikave zyrtare në rrugën e re që Shqipëria synon të ndjekë drejt integrimit europian.
Lexo edhe
SOCIALE
Nga deti në divan – Vlonjati kap peshkaqenin dhe e çon në shtëpi
400 milionë euro për Tiranën – Bashkia që sfidon ministritë, por me rrugë që hapen tre herë në vit
5 persona përfundojnë në spital/ Qentë endacakë bëjnë kërdinë në Klos,
Shpërthim i gripit katër javë më herët në Evropë. Pse ky vit dallohet nga të tjerët
Cilësia e ajrit këmbanë alarmi/ Ndotja mbi normat e BE-së, rrezik serioz për qytetarët
“Kulmi s’ka arritur ende”, Brataj për gripin që po prek fëmijët: Simptoma të forta dhe përhapje e shpejtë
Eksodi i të rinjve nuk ndalet/ Rritet numri i familjeve shqiptare të prekura nga emigracioni
“Pa ngrohje e pa dyshekë”/ Pacientët e spitalit të Përmetit vuajnë, doktorët me kondicionerë
