Një vatër zjarri ka përfshirë rreth një hektar sipërfaqe në fshatin Derstil, në Qendrën Administrative Gjinar, n&...
SPORT
70 milionë euro ose asgjë, PSG i vendos çmimin yllit që kërkohet nga Liverpooli
PiranjatPërditësimi i fundit 21 Gusht 2026, 19:39
Paris Saint-Germain po kërkon 70 milionë euro për Ibrahim Mbaye këtë verë, sipas gazetarit të RMC Sport, Fabrice Hawkins, një shumë që mund ta komplikojë ndjeshëm përpjekjen e Liverpoolit për të transferuar talentin senegalez.
Vlera e vendosur nga kampioni francez raportohet se është më e lartë se ajo që klubet e interesuara janë të gatshme të paguajnë.
Mbaye aktualisht vlerësohet në treg me rreth 50 milionë euro.
Liverpooli tashmë ka arritur marrëveshje personale me sulmuesin 18-vjeçar, por klubi anglez nuk dëshiron të paguajë çmimin prej 70 milionë eurosh të vendosur nga PSG-ja.
Mbaye, njësoj si Bradley Barcola, është lënë jashtë skuadrës së PSG-së gjatë kësaj merkatoje, ndërsa të dy futbollistët vazhdojnë të lidhen me një largim nga Parisi.
Sipas raportimeve të mëhershme të Hawkins, Liverpooli vazhdon të ndjekë me interes të dy sulmuesit dhe po punon për të gjetur një zgjidhje me klubin francez.
Mbaye pati një rol të rëndësishëm në skuadrën e PSG-së sezonin e kaluar, duke regjistruar 31 paraqitje, tri gola dhe dy asistime.
18-vjeçari ka kontratë me kampionët e Francës deri në vitin 2028, çka i jep PSG-së një pozicion të fortë në negociata.
