Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
BOTA
Abramovich i thotë ‘Jo’ kërkesës së kryeministrit britanik Starmer, për t’ia dhënë Ukrainës të ardhurat nga shitja e ekipit
PiranjatPërditësimi i fundit 29 Dhjetor 2025, 14:38
Manjati rus Roman Abramovich refuzon t’ia dorëzojë Ukrainës të ardhurat nga shitja e ish-ekipit tw tij londinez Chelsea, sipas një raporti në “The Times”.
Shuma e papaguar, e cila arrin në rreth 2.5 miliardë paund nga shitja e klubit londinez, është ende e ngrirë në llogaritë e lidhura me biznesmenin rus, si pjesë e regjimit të sanksioneve të vendosura nga Mbretëria e Bashkuar.
Burimet e cituara nga gazeta raportojnë se Roman Abramovich ka formuar një ekip ligjor dhe po përgatitet të apelojë në gjykata, duke sfiduar qëndrimin e Downing Street.
Biznesmeni rus i hedh poshtë kushtet e vendosura nga Londra, të cilat parashikojnë transferimin e parave në Ukrainë, dhe po kërkon një zgjidhje alternative për fatin e ardhshëm të fondeve.
Sipas të njëjtit informacion, Abramovich synon të injorojë kërkesat e Starmer për të transferuar në Kiev një shumë prej 1.4 miliardë paundësh nga 2.35 miliardë paundësh të marra nga shitja e Chelsea. Shpërndarja e parave, siç vërehet nga qarqet ligjore, mbetet e pamundur derisa të ndërpritet ndjekja penale nga Gjykata Mbretërore e Jersey-t.
Kujtohet se Abramovich u shtua në listën e sanksioneve të Mbretërisë së Bashkuar më 10 mars 2022, në lidhje me zhvillimet në Ukrainë, të cilat çuan në ngrirjen e aseteve të tij në vend. Më 24 maj 2022, bordi i Premier League miratoi shitjen e Chelseat te një konsorcium i udhëhequr nga biznesmeni amerikan Todd Bailey.
Skema e investimeve e Bailey ofroi një total prej 4.25 miliardë paundësh për klubin londinez, nga të cilat 2.5 miliardë paund ishin për vetë ekipin dhe 1.75 miliardë paund u zotuan për investime dhe zhvillim të ardhshëm.
Një ditë më vonë, më 25 maj 2022, qeveria britanike lëshoi një leje të posaçme që lejoi përfundimin e transaksionit, me kushtin kryesor që Abramovich të mos i merrte personalisht të ardhurat.
Kur shiti Chelsean, biznesmeni rus kishte deklaruar se paratë do t’u ndaheshin “të gjitha viktimave të luftës në Ukrainë”, por përdorimi i tyre përfundimtar mbetet objekt polemikash politike dhe ligjore deri më sot.
