Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
SPORT
Abrashi e mbyll karrierën në Shqipëri? Ish-mesfushori i Kombëtares firmos kontratën e re
PiranjatPërditësimi i fundit 10 April 2026, 18:28
Amir Abrashi ka vendosur të zgjasë bashkëpunimin me Grasshopersin. Palët kanë zyrtarizuar kontratën e re deri në vitin 2027 për kapitenin e skuadrës. Dhe pse Abrashi duhet të përballonte një dëmtim të rëndë për këtë sezon, klubi vazhdon ta preferojë në skuadër.36-vjeçari duket se do e mbyllë karrierën në Zvicër, aty ku edhe nisi çdo gjë për të. Abrashi më parë ishte përfolur edhe për një kalim në kampionatin shqiptar, por asgjë nuk u konkretizua.
“Grasshopers është shtëpia ime, e ndërtova karrierën time këtu dhe i detyrohem shumë këtij klubi. Do të thotë edhe më shumë për mua të vazhdoj të jem pjesë e tij. Besimi dhe vlerësimi nuk janë diçka që e marr si të mirëqenë dhe jam shumë mirënjohës për to. Të gjithë e dinë sa shumë rreh zemra ime për Grasshoperin. Do të vazhdoj të jap gjithçka për klubin”, u shpreh Abrashi për rinovimin e tij.
Drejtori sportiv, Alain Suter, tha fjalën e tij pas vendimit për të zgjatur bashkëpunimin. “Amiri mishëron në mënyrë të përsosur vlerat që përfaqëson Grasshopers. Mentaliteti i tij, përvoja dhe prania e tij kanë një vlerë të jashtëzakonshme për ekipin tonë. Ai ka përjetuar të gjitha ulje-ngritjet me klubin dhe gjithmonë ka treguar përkushtimin e tij të plotë”, u shpreh drejtori sportiv i Grasshopers për Abrashin.
