Studentët e Fakultetit të Mjekësisë kanë nisur marshimin drejt Ministrisë së Arsimit, duke dalë në protestë p...
SPORT
Alegri merr vendimin, dy nga yjet e Milanit i ul në stol kundër Napolit
PiranjatPërditësimi i fundit 6 April 2026, 14:28
Arrijnë lajme të rëndësishme për formacionin e Milanit për ndeshjen e nesërme në stadiumin “Maradona” kundër Napolit.
Sipas asaj që raportoi Pepe Di Stefano për “Sky Sport 24”, trajneri Masimiliano Alegri po mendon të ndryshojë strukturën e sulmit kuqezi, me çiftin Niklas Fylkryg dhe Kristopher Nkunku që u provua brenda sistemit 3-5-2 që do të përdoret në ndeshje. Gjatë stërvitjes së hapur, Alegri tregoi disa shenja të një 4-3-3, por kjo ishte një lloj depistimi në pamje të ndeshjes së sotme.
NË STOL LEAO DHE PULISIC
Nëse do të konfirmohet zgjedhja e dyshes FylkrygNkunku, në stol do të qëndrojnë lojtarët e rëndësishëm: Rafael Leao (ende jo në formë të plotë) dhe Kristian Pulisiç (që u kthye vetëm të premten nga angazhimet me kombëtaren e SHBA). Të dy do të jenë të gatshëm të aktivizohen gjatë ndeshjes.
Me ta në stol do të jetë edhe Santiago Gimenez, i cili ka përmirësuar gjendjen fizike gjatë pushimit të kombëtareve, duke qëndruar në Milanelo për të ngritur nivelin e tij. Janë të grumbulluar edhe Ruben LoftusÇik, ndërsa Mateo Gabia nuk udhëtoi për Napolin, kthimi i tij në grup pritet të martën, siç deklaroi Alegri në konferencë për shtyp.
