Arbër Hoxha shënon në Ligën e Kampionëve/ Sulmuesi kosovar realizon me kokë

Arbër Hoxha ka gjetur rrugën e rrjetës për Dinamo Zagrebin në përballjen ndaj Vikingut, në ndeshjen e kthimit të play-off-it të Ligës së Kampionëve.

Sulmuesi kosovar realizoi në minutën e 10-të, duke shënuar me kokë pas një harkimi në zonë dhe duke i dhënë Dinamos epërsinë 1-0.

Hoxha, i cili shpeshherë ka spikatur me gola nga distanca apo aksione individuale, këtë herë realizoi në një mënyrë ndryshe, duke u ngritur mbi mbrojtësit kundërshtarë dhe duke goditur fuqishëm me kokë.

Megjithatë, epërsia e Dinamos nuk zgjati shumë. Vigu arriti të barazojë nga pika e bardhë, duke e çuar rezultatin në 1-1.

Ndeshja e parë mes dy skuadrave kishte përfunduar 2-2, ndaj gjithçka mbetet e hapur për kualifikimin në fazën e ardhshme të Ligës së Kampionëve.