Studentët kanë marshuar sot në rrugët e Tiranës, ndërsa janë ndalur te Fakulteti i Ekonomikut, ku iu kanë bërë...
SPORT
Arijon Ibrahimovic largohet nga Bayern Munichu, drejt kalimit te Augsburgu
PiranjatPërditësimi i fundit 31 August 2026, 14:06
Arijon Ibrahimovic është pranë largimit nga Bayern Munichu, me Augsburgun që ka arritur marrëveshje me klubin bavarez për huazimin e talentit 20-vjeçar.
Sipas gazetarit të njohur të transferimeve, Fabrizio Romano, marrëveshja përfshin edhe një opsion blerjeje prej 8 milionë eurosh.
Nëse Augsburg vendos ta aktivizojë këtë klauzolë në fund të huazimit, Ibrahimovic do të bëhet lojtar i përhershëm i klubit të Bundesligës.
Marrëveshja është arritur gjatë mëngjesit të së hënës, ndërsa Ibrahimovic ka qenë objektivi kryesor i Augsburgut në këtë afat kalimtar.
Klubi gjerman e konsideron atë një përforcim të rëndësishëm për repartin ofensiv dhe ka lëvizur shpejt për të siguruar shërbimet e tij.
Ibrahimovic pritet t’i kryejë testet mjekësore gjatë ditës së sotme. Nëse gjithçka shkon sipas planit, ai do të firmosë dokumentet dhe do ta kompletojë transferimin te Augsburgu.
Talenti me prejardhje shqiptare është pjesë e strukturave të Bayern Munichut prej vitesh dhe konsiderohet një prej lojtarëve interesantë të gjeneratës së re në futbollin gjerman.
Kalimi te Augsburgu pritet t’i japë më shumë hapësirë dhe minuta në Bundesligë, duke i krijuar mundësi për të zhvilluar më tej potencialin e tij.
Për Bayern Munichun, huazimi shihet si një mundësi që Ibrahimovic të fitojë përvojë në futbollin e nivelit të lartë, ndërsa opsioni prej 8 milionë eurosh i jep Augsburgut mundësinë për ta transferuar përfundimisht nëse ai bind gjatë sezonit.
Transferimi pritet të zyrtarizohet pas përfundimit të testeve mjekësore dhe procedurave administrative.
