Kryeministri në detyrë i Kosovës, Albin Kurti, ka thënë të premten se partitë politike duhet të fillojnë diskutim...
SPORT
Arsenal synon transferimin e bujshëm të yllit të Juventusit, Kenan Yildiz
PiranjatPërditësimi i fundit 14 Gusht 2026, 18:51
Arsenali ka shfaqur interesim për një transferim të bujshëm të talentit të Juventusit, Kenan Yildiz, gjatë kësaj vere, raporton talkSPORT.
“Topçinjtë” po kërkojnë të përforcojnë krahun e majtë të sulmit, ndërsa përgatiten për sezonin e ri dhe mbrojtjen e titullit të Ligës Premier.
Arsenali tashmë ka siguruar transferimin e anësorit grek Christos Tzolis, i cili pritet të zëvendësojë Leandro Trossardin, të larguar drejt Besiktasit.
Megjithatë, klubi londinez mund të kërkojë edhe një përforcim tjetër në repartin ofensiv nëse Gabriel Martinelli vendos të largohet nga “Emirates”.
Braziliani ka tërhequr interesimin e Galatasarayt, ndërsa Arsenali po e monitoron Yildizin si një prej alternativave të mundshme për ta zëvendësuar.
Gazetari i talkSPORT, Alex Crook, konfirmoi në episodin e fundit të emisionit “The Window” se emri i sulmuesit të Juventusit ka dalë në radarët e klubit londinez.
“Kenan Yildiz i Juventusit është shfaqur si një objektiv i mundshëm”, deklaroi Crook.
Yildiz është shndërruar në një prej lojtarëve më të rëndësishëm të Juventusit dhe konsiderohet si një nga talentet ofensivë më premtues të futbollit evropian.
Aftësia e tij për të luajtur në krahun e majtë, por edhe për t’u përshtatur në role të ndryshme në sulm, e bën atë një opsion tërheqës për Mikel Artetën.
Megjithatë, një transferim i mundshëm nuk do të ishte i lehtë, pasi Juventusi e konsideron Yildizin pjesë të rëndësishme të projektit të klubit dhe do të kërkonte një ofertë të konsiderueshme për të diskutuar largimin e tij.
