Studentët kanë marshuar sot në rrugët e Tiranës, ndërsa janë ndalur te Fakulteti i Ekonomikut, ku iu kanë bërë...
SPORT
Asllani ende jashtë/ Hoffenheimi sqaron situatën pas dështimit të transferimit te Leipzigu
PiranjatPërditësimi i fundit 31 August 2026, 16:01
Fisnik Asllani vazhdon të jetë jashtë skuadrës së Hoffenheimit, rreth tri javë pasi dështoi transferimi i tij te RB Leipzigu për shkak të shqetësimeve mjekësore të ngritura gjatë kontrolleve.
Sulmuesi kosovar ishte shumë pranë kalimit te Leipzigu, por marrëveshja u ndërpre në fillim të gushtit. Hoffenheimi konfirmoi më pas se Asllani do të qëndronte në klub, ndërsa Leipzigu kishte ngritur shqetësime lidhur me gjendjen e tij fizike.
Megjithatë, rikthimi i 24-vjeçarit në fushë nuk ka ndodhur ende. Asllani mungoi në ndeshjen e Kupës së Gjermanisë dhe gjithashtu nuk ishte i gatshëm për sfidën hapëse të Hoffenheimit në Bundesligë ndaj Kolnit. Raportimet e fundit bëjnë të ditur se ai po përballet me një problem në gju dhe me mungesë të ritmit stërvitor.
Trajneri Christian Ilzer ka bërë të ditur se Asllani po rikthehet gradualisht në ngarkesat e plota stërvitore. Klubi po tregohet i kujdesshëm me procesin e tij të rikthimit, në mënyrë që sulmuesi të jetë plotësisht i gatshëm për pjesën tjetër të sezonit.
Edhe drejtori sportiv Andreas Schicker ka sqaruar se Asllani nuk e ka zhvilluar të plotë fazën përgatitore për shkak të transferimit të planifikuar, ndaj tani po ndiqet një program i kontrolluar për rikthimin e tij.
Pavarësisht situatës, Hoffenheimi vazhdon ta llogarisë Asllanin si pjesë të rëndësishme të skuadrës. Klubi gjerman e ka konfirmuar se ai do të qëndrojë në ekip pas dështimit të transferimit te Leipzigu.
Asllani vjen pas një sezoni të mirë, ndërsa interesimi për të mbetet i lartë. Sipas raportimeve të fundit, sulmuesi kosovar ka qenë në vëmendjen e disa klubeve evropiane, por për momentin fokusi i tij është rikthimi i plotë në stërvitje dhe në dispozicion të Hoffenheimit.
