Pritja që u dhanë qytetarët e Barit, të cilët nxituan në ndihmë të 20,000 shqiptarëve që mbërritën...
SPORT
Asllani mbetet në pritje, Interi kërkon largimin për mesfushorin shqiptar
PiranjatPërditësimi i fundit 7 Gusht 2026, 16:55
Kristjan Asllani po përballet me vështirësi për të gjetur një skuadër të re, ndërsa Interi po punon për largimin e mesfushorit shqiptar gjatë merkatos së verës.
Futbollisti i Kombëtares shqiptare ishte pjesë e një ideje të mundshme transferimi në Arabinë Saudite, ku Al Ittihad ishte një nga klubet e interesuara.
Interi kishte menduar ta përfshinte Asllanin në një marrëveshje që lidhej me transferimin e sulmuesit Musa Diaby në radhët e zikaltërve.
Megjithatë, klubi saudit nuk e ka parë mesfushorin shqiptar si një prioritet dhe nuk ka pranuar që ai të jetë pjesë e operacionit.
Sipas mediave italiane, Asllani kishte marrë disa ditë kohë për të vlerësuar mundësinë e transferimit në Arabinë Saudite, por përgjigjja e klubit nuk ka qenë pozitive.
Situata e vështirëson të ardhmen e tij te Interi, pasi trajneri Cristian Chivu nuk e konsideron mesfushorin pjesë të planeve të tij për sezonin e ri. Klubi italian po kërkon një zgjidhje për largimin e tij, por deri tani nuk ka ardhur një ofertë konkrete që të bindë palët.
Asllani, i cili iu bashkua Interit nga Empoli në vitin 2022, tashmë ndodhet në kërkim të një destinacioni të ri për të vijuar karrierën, ndërsa merkatoja mbetet e hapur për një ndryshim të mundshëm.
