“Babi, nuk mundem më”/ Detaje të reja nga vdekja tragjike e futbollistit që luajti në Botëror, një natë para se të ndërronte jetë debatoi me partneren

Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sundowns dhe përfaqësueses së Afrikës së Jugut.

Futbollisti 25-vjeçar u gjet i pajetë në banesën e tij pak kohë pasi ishte kthyer nga Kupa e Botës. Shkaqet e sakta të vdekjes ende nuk janë bërë publike, ndërsa hetimi zyrtar vijon.

Sipas raportimeve të mediave, Adams kishte qenë nën presion të madh për shkak të vëmendjes së shtuar mediatike dhe gjithashtu po përballej me humbjen e fundit të gjyshes së tij.

Po ashtu, raportohet se një debat me partneren e tij kishte ndodhur një natë para vdekjes, por autoritetet ende nuk kanë konfirmuar nëse kjo ngjarje ka ndonjë lidhje me tragjedinë.

Një prej detajeve që ka tronditur opinionin sportiv është një telefonatë që Adams dyshohet se ka bërë me babain e tij mëngjesin pasues, ku i ka thënë: “Babi, nuk mund ta përballoj më.”

Megjithatë, hetuesit nuk kanë dhënë ende një përfundim zyrtar dhe po vijojnë mbledhjen e provave për të përcaktuar rrethanat e plota të vdekjes.