Barcola vishet i kuq, Liverpool arrin marrëveshjen me PSG për 100 mln paund

Liverpooli është në bisedime të avancuara për të transferuar Bradley Barcola nga Paris Saint-Germain, për një shumë që pritet të kalojë 100 milionë paundë, sipas raportimit të mediave angleze ditën e sotme.

Klubi francez i Ligue 1 e kishte vlerësuar sulmuesin francez në rreth 140 milionë paundë, por paketa totale e marrëveshjes pritet të jetë nën këtë shifër.

Detajet përfundimtare ende nuk janë përfunduar, por marrëveshja pritet të ketë një vlerë minimale prej 100 milionë paundësh, shumë që mund të rritet përmes bonuseve të ndryshme.

23-vjeçari zhvilloi 49 paraqitje sezonin e kaluar, duke shënuar 13 gola dhe duke regjistruar 7 asistime. Barcola ishte pjesë e skuadrës së drejtuar nga Luis Enrique, e cila siguroi titullin e pestë radhazi në kampionat, fitoi për të dytin vit rresht Champions League dhe ngriti gjithashtu Superkupën e Francës.

Megjithatë të qenurit gjithmonë një zgjedhje e dytë tek parizienët, mendohet të ketë qenë edhe arsyeja kryesore se përse sulmuesi francez pranoi ofertën e gjigandëve anglezë të Liverpool. Tashmë pritet se si Andoni Iraola do të mund ta vendosë në rreshtimin e tij taktik tek “The Reds” Barcolan, me sulmin e Liverpool, që përbëhet nga lojtarë me shumë peshë dhe kualitativ.