Bayern Munich bashkon tifozët në Tiranë, sonte nis festa e fan club-it zyrtar

Nga sonte, në orën 20:30, dhe në vijim gjatë javës së ardhshme, tifozët e Bayern Munich në Tiranë janë të ftuar të përjetojnë së bashku emocionet e ndeshjeve të skuadrës së tyre të zemrës.

Bëhet fjalë për fan club-in zyrtarisht të njohur nga FC Bayern München, i cili bashkon tifozët e klubit bavarez në Tiranë dhe krijon mundësinë për të ndjekur së bashku ndeshjet, për të diskutuar për skuadrën dhe për të ndarë emocionet që sjell çdo përballje.

Nga atmosfera e ndeshjeve te festimet e golave, qëllimi është që tifozët e Bayern-it në Tiranë ta përjetojnë së bashku pasionin për klubin më të suksesshëm të Gjermanisë.