BBC: A po favorizohet Argjentina në Kupën e Botës?

Argjentina po bën gjithçka për të mbrojtur titullin e Kupës së Botës - dhe ka pasur nevojë ta bëjë këtë.

Pasi pritej të mposhtnin me vështirësi Kepin e Gjelbër dhe Egjiptin në dy raundet e para eliminatore, La Albiceleste u desh të luftonte me mish e me shpirt për fitoret 3-2.

Por fitorja ndaj Egjiptit erdhi me një avantazh, pasi kombi afrikan i kërkoi FIFA-s të përjashtonte nga turneu gjyqtarët përgjegjës për humbjen e tyre në 1/8 e finales.

Egjipti ka pretenduar se ka paragjykime në favor të Argjentinës dhe favorizime ndaj lojtarit të tyre yll, Lionel Messi.

Pas ndeshjes, trajneri Hossam Hassan tha se Egjipti ishte “trajtuar padrejtësisht” dhe “vuajtur padrejtësi”.

Hassan vazhdoi duke pretenduar për një lloj paragjykimi nga FIFA.

"Ndoshta ata donin ta mbanin kampionin e botës në garë. Ndoshta ata donin që Messi të mbetej në garë", tha ai.

BBC Sport shqyrton nëse ka ndonjë gjë në teorinë e konspiracionit që thotë se gjithçka po kurdiset që Argjentina të ketë sukses.

A kanë ndonjë bazë ankesat e Egjiptit?

Është e lehtë të kuptohet pse Egjipti do të ndihej kaq i frustruar pas humbjes 3-2 të së martës.

Afrikanët kishin udhëhequr 2-0 11 minuta para fundit të ndeshjes, në prag të një paraqitjeje historike në çerekfinale, për herë të parë në historinë e tyre.

Por gjithçka shkoi keq, ndërsa Argjentina u rikthye me vrull për ta përmbysur ndeshjen dhe për të shënuar golin e fitores në kohën shtesë.

Egjipti thotë se kishte diçka më të dyshimtë në lojë. Ata e justifikuan largimin e tyre me "gabimet serioze të gjyqtarëve" dhe "standardet e dyfishta" nga gjyqtari francez Francois Letexier dhe ekipi i tij.

Një gol i “Faraonëve” u anulua për shkak të ndërhyrjes së sistemit të ndihmësit video të gjyqtarit (VAR).

Ata gjithashtu pretendojnë se goli fitues i Argjentinës duhej të ishte anuluar dhe në vend të kësaj t’u ishte dhënë atyre një penallti.

Goli brilant i Mostafa Zicos u anulua pasi Marwan Attia u penalizua për shkelje të këmbës së Lisandro Martinez në fillim të aksionit.

Ishte e diskutueshme, por ata po udhëhiqnin 1-0 dhe shënuan një gol të dytë nëntë minuta më vonë. Nuk mund të provosh se loja do të kishte marrë një rrjedhë tjetër nëse goli i Zicos do të kishte mbetur në fuqi.

Egjipti besonte se kishte dy pretendime të mundshme për penallti në favorin e tij përpara se Enzo Fernandez të shënonte me kokë golin e fundit.

Hamdi Fathy u rrëzua në fushë duke pretenduar se ishte mbajtur nga Alexis Mac Allister, gjë që nuk ishte e qartë në riprodhimet e përsëritura, ndërsa Mohamed Salah ndjeu se ishte penguar nga Julian Alvarez.

Kishte disa ngjashmëri midis situatave të Martinez dhe Salah, me kontaktin këmbë me këmbë, por jo aq sa për të përbëre penallti.

Egjipti kishte më shumë shanse për ta anuluar golin nëse Salah do të kishte qenë jashtë zonës. Sistemi VAR do të gjykonte thjesht një faull - siç ndodhi me Martinezin - në vend të një penalltie.

Kontraverse? Absolutisht. Por vështirë se mund të jetë provë e një komploti në favor të Messit./BBC-Piranjat News