Kryetari i Partisë Demokratike, Sali Berisha, ka akuzuar kryeministrin Edi Rama se po ndërmerr veprime ndaj kryebashkiakut Erion Veliaj nga frika se m...
Mali i Zi mund t’i përfundojë negociatat për anëtarësim në Bashkimin Evropian deri në fund të dhjetorit 2026, nd&e...
SPORT
Befasohet Napoli, Como e mund në shtëpi, Fabregas fiton tre pikët e para të sezonit
PiranjatPërditësimi i fundit 31 August 2026, 08:06
Skuadra e drejtuar nga Cesc Fabregas zhvilloi një ndeshje të zgjuar në “Diego Armando Maradona”, duke kontrolluar topin për pjesën më të madhe të takimit dhe duke shfrytëzuar në maksimum gabimet e vendasve.
Como e gjeti avantazhin në minutën e 17-të. Diao bëri një aksion të bukur individual, shmangu Oliveran dhe shërbeu për Baturinën, i cili me të majtën mposhti Meret duke i dhënë epërsinë miqve.
Napoli reagoi dhe gjeti barazimin në minutën e 30-të. Rasmus Højlund mori topin në hyrje të zonës dhe lëshoi një goditje fantastike me të majtën, thuajse pa marrë vrull, duke e dërguar topin në rrjetë për 1-1. Por barazimi zgjati vetëm katër minuta.
Në minutën e 34-t, Napoli bëri një gafë në ndërtimin e aksionit. Anguissa dhe Marin nuk u morën vesh, duke i dhënë mundësinë Douvikas të përfitonte dhe sulmuesi i Como-s nuk fali, duke shënuar për 2-1.
Napoli ushtroi presion të vazhdueshëm dhe kërkoi golin e barazimit, por Como u mbrojt mirë dhe mbylli hapësirat.
Një fitore me shumë peshë për Fabregas, që merr triumfin e parë në kampionat dhe e çon Como-n në 4 pikë pas dy javësh, duke lënë Napolin me 3 pikë.
