Berat Gjimshiti gjen fitoren e parë saudite, titullar për 90 minuta me Al Diriyah…

Berat Gjimshiti e ka nisur aventurën e tij të re në kampionatin arab të futbollit. Kapiteni i kombëtares shqiptare që pas një dekade në Serie A me Atalantën është largua nga klubi bergamask për të nisur një aventurë të re në Arabinë Saudite.

Në fundjavë kapiteni i Kombëtares kuqezi ishte titullar në ndeshjen që skuadra e tij e re Al Diriyah fitoi me rezultatin 1-0. Gjimshiti i luajti të 90 minutat në fushën e lojës dhe në përfundim të ndeshjes u vlerësua me notën 6.6.

Kjo ishte ndeshja e dytë që Berat Gjimshiti luan me fanellën e Al Diriyah, sfida e parë ishte ajo ndaj Al Nassr të Cristiano Ronaldos ku gjërat nuk shkuan siç shpresohej. Ndërkaq qendërmbrojtësi kuqezi përmes një postimi në rrjetet sociale publikoi foto me momente nga ndeshja me Al Hazem dhe në përshkrimin e postimit shkruante: ‘Paraqitje e mirë nga skuadra, 3 pikët e para’.