Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
SPORT
Besnikëri ndaj Junajtid, Bruno Fernandes: Këtu ndihem si në shtëpi!
PiranjatPërditësimi i fundit 12 April 2026, 16:52
Bruno Fernandes mund të konsiderohet një legjendë e Mançester Junaitid.
Forma dhe lidershipi i tij e vendosin atë si një lojtar të madh dhe të vlefshëm në Premier Ligë, jo vetëm te skuadra e tij.
Ka pasur shumë zëra për një largim të tij, veçanërisht vitin e kaluar me skuadrat nga Arabia Saudite që ju vërsulën atij por që të gjitha i refuzoi, duke thënë se ndihet si në shtëpi në “Old Trafford”.
“Ndihem si në shtëpi në Mançester. Fëmijët e mi ndihen si në shtëpi këtu. Është e mrekullueshme për mua të jem në një vend ku fëmijët e mi mund të shijojnë kaq shumë dhe të ndihen kaq shumë si në shtëpi siç ndihen në Mançester”, u shpreh Fernandes.
Portugezi, erdhi te “Djajtë e Kuq” në janar të vitit 2020 nga Sportingu i Lisbonës, ku bëri 320 paraqitje dhe shënoi 106 gola dhe 103 asiste.
Ai në 6 vitet e tij arriti të fitonte dy trofe, atë të “FA Cup” dhe “Carabao Cup” në vitin 2023 dhe 2024. Një tjetër shtyllë e Junaitid është Meguajr.
Ndonëse këtë sezon pati dy lëndime, ai prapë tregoi klasin e tij duke qenë një nga lojtarët më të rëndësishëm të skuadrës së drejtuar nga tekniku Kerrik. Ndërsa së fundmi ai për “BBC”-në tha se është një nga mbrojtësit më të mirë.
“Unë ende besoj, edhe në moshën time, se jam pa dyshim një nga mbrojtësit më të mirë në botë në të dyja zonat”, ishin fjalët e Meguajr. Mbrojtësi, që nga ardhja e tij te Mançesteri në vitin 2019 nga Leisster Siti ka bërë deri tani 266 paraqitje, ku shënoi 17 gola dhe ka arritur të fitojë “FA Cup” dhe “Carabao Cup” në vitet 2023 dhe 2024./Panorama Sport
