Zonat malore në qarkun e Kukësit po përjetojnë kushte klimaterike dimërore, ndonëse jemi ende në fund të muajit tetor.
...
SPORT
Blofet e FSHF-së së Dukës, kaos për tifozët kuqezi në play-off: Asnjë sqarim për biletat
PiranjatPërditësimi i fundit 24 March 2026, 18:54
TIRANË- Federata Shqiptare e Futbollit e drejtuar nga Armando Duka ka publikuar një njoftim të detajuar për organizimin e tifozëve kuqezi në Warsaw për ndeshjen ndaj Polonisë, por në vend që të qartësojë situatën, duket se ka shtuar edhe më shumë konfuzion.
Në letër, gjithçka duket e organizuar: pika grumbullimi, hyrje të dedikuara, rregulla sigurie dhe këshilla për transportin. Por në praktikë, problemi kryesor i tifozëve shqiptarë mbetet i pazgjidhur, biletat.
Pavarësisht një liste të gjatë udhëzimesh, FSHF nuk ka dhënë asnjë informacion konkret mbi: mënyrën e shpërndarjes së biletave aksesin në to zgjidhjen e problemeve teknike çfarë ndodh në rast mungese bilete apo gabimesh në sistem.
Në një kohë kur shumë tifozë kanë udhëtuar ose planifikojnë të udhëtojnë drejt Polonisë, mungesa e këtij informacioni është thelbësore dhe krijon pasiguri të madhe.
Njoftimi i FSHF-së fokusohet në detaje organizative si:
hyrjet në stadium ndalimet për objekte rregullat e sigurisë Por mungon një orientim i thjeshtë dhe praktik për tifozin e zakonshëm: nuk ka hartë të qartë të stadiumit nuk ka udhëzime të thjeshta hap pas hapi nuk ka informacion emergjent apo kontakte ndihme.
Në vend të qartësisë, kemi një tekst të gjatë që lë shumë pyetje pa përgjigje.
FSHF paralajmëron për rrezik përplasjesh mes huliganëve dhe këshillon tifozët të shmangin zonat e izoluara dhe madje të mos mbajnë simbole kombëtare jashtë stadiumit.
Por këto paralajmërime nuk shoqërohen me: zona të sigurta të rekomanduara plan konkret lëvizjeje për tifozët asistencë nga organizatorët shqiptarë
Kjo e bën situatën edhe më të paqartë për tifozët që ndodhen në një qytet të huaj. Në një event kaq të rëndësishëm si një ndeshje play-off, kjo qasje rrezikon të kthejë një festë futbolli në një eksperiencë stresuese për tifozët kuqezi.
