Boksieri britanik tregon se ka pirë qumësht gjiri të partneres së tij: M’u bënë krahët dyfish më të mëdhenj

Boksieri britanik Tommy Fury ka habitur fansat me një deklaratë të pazakontë, duke treguar se ka pirë qumështin e gjirit të partneres së tij, Molly-Mae Hague, madje me humor pretendoi se kjo i ka ndikuar edhe në fizikun e tij.

Në episodin më të fundit të podcast-it “What the Fury?!”, që ai drejton së bashku me babanë e tij, John Fury, Tommy rrëfeu se e kishte provuar qumështin e gjirit pak kohë pas lindjes së vajzës së tyre të parë, Bambi. Kur babai e pyeti nëse po bënte shaka, ai u përgjigj se kishte pirë “vetëm pak”.

“E dini sa shumë vlera ushqyese ka qumështi i gjirit. Ka edhe disa hormone të rritjes, megjithëse nuk jam i sigurt nëse ndikojnë te një i rritur. Krahët m’u zmadhuan dyfish,” tha ai me shaka. Tommy shtoi se së fundmi kishte pirë edhe nga një shishe që ndodhej në frigorifer, duke e krahasuar shijen me qumështin e sojës ose të bajames. “Forca m’u rrit jashtë mase, fitova edhe një centimetër në krahë. Ishte fantastike!“, u shpreh Fury. Babai i tij, John Fury, nuk e ndau të njëjtin entuziazëm dhe reagoi me humor: “Më mirë do të haja gjashtë merimanga!”

Tommy dhe Molly-Mae u njohën në emisionin Love Island në vitin 2019. Çifti janë prindër të vajzës Bambi dhe pak më shumë se një muaj më parë mirëpritën edhe djalin e tyre, Midas Thomas Fury.