Botërori bën ‘viktimën’ e radhës, Roberto Martinez konfirmon largimin nga Portugalia, ja kush pritet ta zëvendësojë

Botërori 2026 bën viktimën e radhës teksa një tjetër trajner largohet nga posti i tij. Bëhet fjalë për teknikun e Portugalisë, Roberto Martinez i cili menjëherë pas eliminimit nga Spanja në 1/8 e finaleve në konferencën për shtyp, konfirmoi largimin e tij nga pankina e luzitanëve

Erdha te Porugalia për të fituar Botërorin dhe mendoj se pa fituar nuk bën kuptim që të vazhdoj. Këshilli Administrativ dhe presidenti kanë mundësinë të zgjedhin trajnerin e ri. Presidenti gjithnjë më ka mbështetur në punën time, por kontrata ime skadon sot, nuk kam çfarë të shtoj më-tha Roberto Martinez.

Roberto Martinez e mori drejtimin e Portugalisë në janar të vitit 2023 për të zëvendësuar Fernando Santos pas Botërorit të Katarit 2022. Tani me mbylljen e aventurës së tij në pankinën e Portugalisë, Federata ka menduar për emrin e zëvendësuesit të tij dhe duket se e ka gjetur atë.

Sipas të përditshmes‘A Bola’, drejtuesit e qeverisë së futbollit luzitan kanë përzgjedhur Jorge Jesus si trajnerin e ardhshëm të kombëtares në mënyrë që ai të nisë një cikël të ri për Euro 2028 dhe Botërorin 2030, që Portugalia do ta organizojë me Spanjën dhe Marokun. Jorge Jesus është i lirë që pas largimit nga Al Nassr dhe kur kombëtarja portugeze të kthehet në vend ai do të takohet me Pedro Proença për të nënshkruar kontratën.