“Botërori për Topin e Artë”/ Mesazhi i fshehtë i France Football, a është Messi në rrugën e duhur drejt numrit 9?

Pyetja “A duhet ta fitosh Kupën e Botës për të fituar Topin e Artë?” ka rikthyer sërish debatet në botën e futbollit, teksa France Football ka ngritur një diskutim të ri mbi lidhjen mes suksesit në Botëror dhe trofeut më prestigjioz individual në futboll.

Në një analizë të fundit mbi historinë e çmimit, theksohet se çdo Botëror sjell me vete bindjen se fituesi i Topit të Artë duhet domosdoshmërisht të jetë edhe kampion bote, por statistikat tregojnë një realitet më kompleks.

Nga viti 1995, kur Topi i Artë u bë global, vetëm disa lojtarë kanë arritur të kombinojnë suksesin në Kupën e Botës me triumfin individual. Në këtë listë përfshihen emra si Zinedine Zidane (1998), Ronaldo (2002) dhe Fabio Cannavaro (2006). Megjithatë, pas këtij “trei suksesi” të njëpasnjëshëm, modeli nuk është përsëritur vazhdimisht.

Në vitin 2010, Lionel Messi fitoi Topin e Artë pavarësisht triumfit të Spanjës në Botëror, ndërsa në 2014 Cristiano Ronaldo u shpall më i miri, megjithëse Gjermania fitoi Kupën e Botës. Në 2018, Luka Modrić theu sërish lidhjen mes Botërorit dhe çmimit individual, duke triumfuar pas një Botërori të fituar nga Franca.

Vetëm në vitin 2022 u rikthye përputhja mes dy trofeve, kur Lionel Messi fitoi Kupën e Botës me Argjentinën dhe më pas u shpall fitues i Topit të Artë.

Sipas analizës, që nga viti 1995, vetëm 4 nga 7 fituesit e Botërorit kanë arritur të marrin edhe Topin e Artë (57%), duke treguar se suksesi në turneun më të madh ndërkombëtar ndihmon, por nuk është kusht vendimtar për çmimin individual.

Në këtë kontekst, rikthehet edhe figura e Lionel Messit, i cili në postimin e fundit të France Football shfaqet me trofeun e Botërorit 2022, ndërsa në Botërorin 2026 ka nisur një tjetër formë mbresëlënëse me 6 gola në 3 ndeshje.

Do you have to win the World Cup to win the Ballon d’Or? ????

???? The answer: https://t.co/tfAgH4K38h#ballondor #worldcup pic.twitter.com/tokvrYSW2r

— Ballon d’Or (@ballondor) June 28, 2026

Kjo ka rihapur diskutimin nëse argjentinasi është realisht në rrugën drejt Topit të Artë të nëntë, apo nëse gjithçka do të varet nga ecuria e tij në pjesën e mbetur të sezonit dhe përfundimi i Botërorit.