16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SPORT
Coutinho bashkohet me Neymarin! 34-vjeçari rikthehet në fushë, firmos me Santos deri në fund të vitit
PiranjatPërditësimi i fundit 15 September 2026, 15:35
Philippe Coutinho rikthehet në futboll dhe firmos me Santos, ku do të luajë përkrah mikut të tij Neymar. Dy yjet brazilianë do të jenë për herë të parë shokë skuadre në nivel klubesh.
Philippe Coutinho rikthehet në futboll dhe do të luajë përkrah mikut të tij Neymar te Santos. Mesfushori 34-vjeçar ka firmosur kontratë deri në fund të vitit 2026, duke i dhënë fund një periudhe prej rreth shtatë muajsh pa skuadër.
Coutinho ishte pa klub që prej shkurtit, kur ndërpreu marrëveshjen me Vasco da Gama.
Ai kishte deklaruar se ishte i lodhur mendërisht dhe zgjodhi të largohej për t’u shkëputur përkohësisht nga futbolli. Neymar luajti një rol vendimtar në rikthimin e tij, duke e kontaktuar disa herë dhe duke e bindur që të pranonte ofertën e Santos.
Klubi brazilian e prezantoi afrimin në një mënyrë të veçantë, duke publikuar një fotografi të vjetër të Coutinhos dhe Neymarit kur ishin adoleshentë, krahas një imazhi të ri ku dy futbollistët rikrijonin të njëjtën pozë.
Në një tjetër video, Coutinho shihet duke hyrë në dhomat e zhveshjes dhe duke u përqafuar me Neymarin.
Për dy miqtë kjo do të jetë hera e parë që do të luajnë së bashku në nivel klubesh. Ata kanë qenë shokë skuadre me kombëtaren braziliane, ndërsa Neymar u rikthye te Santos në janar të vitit 2025.
Coutinho e nisi karrierën te Vasco da Gama, përpara se të kalonte tek Interi. Kulmin e karrierës europiane e arriti te Liverpool, ku realizoi 54 gola në 201 ndeshje, përpara transferimit te Barcelona në vitin 2018 për rreth 142 milionë paund.
Më pas ai luajti për Bayern Munich, Aston Villa dhe Al-Duhail, përpara rikthimit te Vasco. Tashmë, në moshën 34-vjeçare, Coutinho nis një kapitull të ri te Santos, këtë herë përkrah Neymarit.
