Diant Ramaj rikthehet te Kopenhagen/ Portieri shqiptar udhëton drejt Danimarkës, zbulohen detajet e marrëveshjes

Diant Ramaj është pranë rikthimit te Kopenhagen, klub ku portieri me origjinë shqiptare ka luajtur më parë në formë huazimi. 24-vjeçari ka udhëtuar drejt Danimarkës dhe pritet t’i nënshtrohet testeve mjekësore përpara finalizimit të marrëveshjes.

Lajmi raportohet nga gazetari gjerman Dominik Schneider, sipas të cilit Ramaj ndodhet tashmë në Danimarkë për të përfunduar hapat e fundit të transferimit.

Portieri pritet t’i bashkohet Kopenhagenit sërish në formë huazimi. Marrëveshja parashikon edhe një opsion për blerjen përfundimtare, që raportohet të jetë rreth 5 milionë euro.

Nëse testet mjekësore kalohen pa probleme dhe dokumentet finalizohen, Ramaj do të rikthehet te klubi danez, këtë herë me mundësinë që qëndrimi i tij të kthehet në transferim të përhershëm.

Për portierin 24-vjeçar, rikthimi te Kopenhagen do të ishte një tjetër hap në karrierë, ndërsa klubi danez do të ketë mundësinë ta vlerësojë gjatë huazimit përpara se të vendosë për blerjen e kartonit të tij.