Dy gola ndaj Pafos dhe protagonist me Dinamon në Europë, Fadairo mbyll aventurën dhe rikthehet te Partizani

David Fadairo do të rikthehet te Partizani pas përfundimit të aventurës së Dinamos në kompeticionet europiane.

Sulmuesi 25-vjeçar ishte një nga lojtarët kryesorë të skuadrës së Ilir Dajës në ndeshjet e fundit, duke spikatur edhe me golat e shënuar.

Fadairo u huazua nga Partizani te Dinamo vetëm për ndeshjet europiane.

Me përfundimin e këtij rrugëtimi, sulmuesi duhet të rikthehet te skuadra që zotëron kartonin e tij.

Në tri ndeshjet e fundit të Dinamos në Europë, Fadairo ishte protagonist, ndërsa dy prej golave të tij u shënuan ndaj Pafos.

Pas përfundimit të aventurës me Dinamon, 25-vjeçari iu drejtua rrjeteve sociale për të falënderuar klubin dhe trajnerin Ilir Daja për besimin e dhënë.

“Faleminderit Dinamo. Faleminderit trajnerit Ilir Daja që më besove në cilësitë e mia dhe më ndihmove të jem më i fokusuar te arritja e qëllimeve”, shkroi Fadairo në Instagram.

Tashmë sulmuesi do të jetë sërish pjesë e Partizanit, pas përfundimit të huazimit te Dinamo.