Pas krimit, i riu është larguar nga banesa, ndërsa më vonë është paraqitur vetë në kazermën e karabinierë...
SPORT
Egnatia përmbys Vorën në transfertë/ VAR anulon dy gola
PiranjatPërditësimi i fundit 31 August 2026, 18:27
Egnatia ka marrë tri pikët në javën e dytë të kampionatit, duke mposhtur Vorën me rezultatin 3-1 në transfertë. Rrogozhinasit e nisën keq pjesën e dytë, por reaguan shpejt dhe përmbysën ndeshjen brenda pak minutash.
Pjesa e parë u mbyll në barazim pa gola. Vora ishte më kërkuese dhe krijoi disa raste për shënim, duke pasur kontrollin e lojës për një pjesë të mirë të 45 minutave të para. Në krahun tjetër, Egnatia e pati të vështirë të rrezikonte portën e Harizajt.
Ndeshja ndryshoi në minutën e 65-të.
Vora kaloi në avantazh pas një aksioni të shpejtë. Dionellis ekzekutoi rivënien anësore dhe gjeti Karricën, i cili me një rrotullim të bukur goditi me të majtën dhe mposhti Dajsinanin.
Egnatia nuk vonoi të reagonte. Vetëm katër minuta më pas, në të 69-ën, Albanese depërtoi nga krahu i majtë dhe pasoi në qendër për Adjessën. Sulmuesi, i cili sapo kishte hyrë në fushë, devijoi topin dhe vendosi baraspeshën.
Rrogozhinasit vijuan presionin dhe në minutën e 75-të përmbysën rezultatin. Albanese mori topin në të djathtë, u fut drejt qendrës dhe me një goditje të saktë mposhti Harizajn, duke e çuar rezultatin në 1-2.
Vora pati mundësinë për të barazuar vetëm pak minuta më vonë. Daka dërgoi topin në rrjetë në minutën e 72-të, por goli u anulua për pozicion jashtë loje pas ndërhyrjes së VAR-it.
Egnatia e menaxhoi avantazhin dhe në minutën e 85-të gjeti edhe golin e tretë. Gruda avancoi në krahun e djathtë dhe pasoi në qendër. Adjessa e la topin të kalonte, ndërsa Jago, i ardhur nga pas, e dërgoi në rrjetë për 1-3.
Në fund pati sërish punë për VAR-in. Gruda shënoi një tjetër gol, por edhe ky u anulua për pozicion jashtë loje.
Egnatia largohet kështu me tri pikë nga transferta ndaj Vorës, pas një ndeshjeje që u vendos në pjesën e dytë. Vendasit humbën avantazhin e krijuar në minutën e 65-të, ndërsa rrogozhinasit reaguan me tre gola dhe morën fitoren e dytë në po aq ndeshje të zhvilluara.
