Heqja e taksës së qarkullimit nga çmimi i karburantit dhe kalimi i saj në një taksë mbi automjetet shihet si një lehtë...
SPORT
Erblin Osmani zgjedh Kosovën/ Talenti i Bayern Munich largohet nga Gjermania U-17
PiranjatPërditësimi i fundit 4 September 2026, 21:34
Erblin Osmani, 17-vjeçari që aktivizohet në akademinë e Bayern Munich, do të përfaqësojë Kosovën në arenën ndërkombëtare.
Mesfushori defensiv ka arritur marrëveshje me Federatën e Futbollit të Kosovës dhe ka marrë pasaportën kosovare.
Osmani ka qenë pjesë e Gjermanisë U-17, por ka vendosur të ndryshojë përfaqësuese dhe t’i bashkohet Kosovës.
Vendimi i tij është konfirmuar edhe nga Ambasadori i Kosovës, Faruk Ajeti, ndërsa Federata e Futbollit të Kosovës e ka bërë të ditur zgjedhjen e talentit.
I lindur dhe i rritur në Mynih, Osmani është pjesë e akademisë së Bayern Munich që prej vitit 2017.
Ai ka kaluar grupmoshat e klubit bavarez dhe në mars të këtij viti bëri edhe debutimin me ekipin e parë në Bundesligë, në fitoren 4-0 ndaj Union Berlin.
Me zgjedhjen e Kosovës, mesfushori bëhet një afrim i rëndësishëm për të ardhmen e përfaqësueses “Dardane”, duke pasur parasysh moshën dhe formimin e tij te një prej akademive më të njohura të futbollit europian.
Ndërkohë, mbetet e paqartë nëse Federata Shqiptare e Futbollit ka shfaqur interes për ta afruar Osmanin me Kombëtaren shqiptare.
